Գիտելիք, գիրք և ժառանգություն

Գարեգին Նժդեհի շիրիմը Խուստուփ լեռան լանջին ծայրահեղ անմխիթար վիճակում է՝ մոլախոտով պատված, ժանգոտած ցանկապատով, անխնամ և դժվարամատչելի։

Հիմնադրամը նախաձեռնել է վայրի հիմնովին նորոգման և կոթող-ուխտատեղիի կառուցման նախագիծ։ Նախագիծն ընտրվել է բաց ճարտարապետական մրցույթի արդյունքում և մշակել է ճարտարապետ Արեգ Ասրաբյանը։ Կոթողը խորհրդանշում է ժայռի մեջ բացվող զինվորի գերեզման՝ հողում խրված թրի տեսքով, որի բացվածքից լույս է թափանցում։

Վայրը նախատեսվում է դարձնել ոչ միայն հուշակոթող, այլ և կրթադաստիարակչական օջախ՝ արշավների, ամառային դպրոցների և բացօթյա միջոցառումների անցկացման վայր։